Ad Banner
Ad Banner
Ad Banner
Ad Banner

Dani Alves si lojtar i lirë mund të vesh fanellën e Cityt

08:13 | 11 Korrik 2019
Arbresh.info

Manchester City raportohet se ka zgjuar interesim për mbrojtësin e krahut të djathtë, Dani Alves.

Futbollisti 35-vjeçari tashmë është lojtar i lirë pas mbarimit të kontratës me Paris Saint-Germain dhe nuk dëshiron të mbetet te francezët.

Theksojmë se lojtari kishte refuzuar para dy vjetëve një ofertë të majme të kampionit anglez duke zgjedhur të kalojë te kampioni i Ligue 1.

Globoesporte shkruan sot se trajneri, Pep Guardiola dëshiron të bashkohet me ish-lojtarin, me të cilin kishte arritur suksese të papara me Barcelonën.

Theksojmë se lojtari së fundi është shpallur kampion i Kupës së Amerikës me kombëtaren e Brazilit duke mposhtur në finale 3-1 Perunë.

Ndryshe, Alves është një ndër futbollistët më të trofeshëm në histori të futbollit duke fituar 50 tituj të ndryshëm me ekipet dhe kombëtaren. /Telegrafi/

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm